اسلام آباد ?? 15 مارچ (اے پی پی)وزیر مملکت توانائی عابد شیر علی واضح کیتے جو جنہاں علاقیاں اچ بجلی چو??ی تھیندی ہے ، بل نی بھرے ویندے اتے جتھاں لائ?? لاسزودھ سارے ہن اتھاں لوڈشیڈنگ ہوسی‘ پنجاب دیاں تقسیم کار کمپنیاں ڈوجھے علاقیاں اچ بجلی چو??ی اتے بئے نقصاناں دا بھار وی برداشت کر یندی پی ہے۔ ملک اچ کہیں وی فیڈر نال امتیازی سلوک کائنی کیتا ویندا پیا۔ خمیس کوں قومی اسمبلی اچ سوالیں دے وقفے دے دوران سید نوید قمر دے سوال دے جواب اچ عابد شیر علی ڈسایا جو ایں سال 23 توں 24 ہزار میگاواٹ تئیں بجلی پیدا کریسوں۔ پورے ملک اچ ریونیو دی بنیاد تے لوڈشیڈنگ کر یندے پئے ہسے ۔ جنہاں تقسیم کار کمپنیاں دے بقایا جات کائنی ‘ بل ڈت ویندن ،اتھاں لوڈشیڈنگ کائنی ہے۔ کجھ کمپنیاں لاسز کوں کور کرنڑ اچ ناکام رہیاں ہن۔ ایں سانگے انہاں دی ڈیمانڈ تے جیرھی بجلی انہاں کوں ڈتی ویندی ہے اوہ وی خرچ نی کریندے۔ جتھاں بجلی چو??ی ہے‘ تھاںکنڈا سسٹم ہے اتھاں لوڈشیڈنگ ہے اتے ایجھا مستقبل اچ وی تھیسی۔ انہاں ڈسایا جو لوڈشیڈنگ دے حوالے نال کوئی امتیازی سلوک کائنی ہے۔ بجلی چو??اں دا بھار پنجاب دیاں کمپنیاں چیندیاں ہن ۔ انہاں ڈسایا جو بجلی دی جتنی پیداوار اساڈے دور اچ تھئی اتنی 70 سال اچ نی تھئی۔ اساں سسٹم اچ چنگائی لاتی ہے۔اساں پاکستان دی ترقی دی سوچ رکھیندوں۔ اساڈے کیتے ہر صوبہ معتبر ہے۔ جن ہاںعلاقیاں اچ بجلی چو??ی کائنی اتے بل باقاعدہ ڈتے ویندن انہاں کوں بجلی ڈیسوں۔ کہیں وی تقسیم کار کمپنی نال امتیازی سلوک نی کیتا ویندا۔ اساںکے ای سی کوں نتھ پاتی۔ کے پی کے دے ساڈھے 400 فیڈراں تے زیرو لوڈشیڈنگ ہے ۔جیرھے بل نی ڈیندے کہیں صورت بجلی کائناں ڈیسوں۔ اساں پورے پاکستان سانگے ہکو جئی پالیسی بنڑائی ہوئی ہے۔ وزارت دی ویب سائٹ تے ونج تے پورے فیڈراں دی تفصیل مل ویسی۔ بل معاف کرنڑ دا اساڈے کنوں کوئی اختیار کائنی ہے‘ قسطاں ب??ڑا سگدوں۔
