اسلام آباد ۔ 21 اگست (اے پی پی) صدر مملکت ڈاکٹر عارف علوی آکھیا جو محرم الحرام ساکوں اعلیٰ انسانی اقدار دی بقا سانگے ہر قوت دے سامھے ڈٹ ونجنڑ دا سنیھا ڈیندے۔ ایوان صدر دے میڈیا ونگ توں بیان دے مطابق انہاں محرم الحرام بارے اپنڑے سنیھے اچ اے گالھیں آکھی۔انہاں آکھیا جو میں خدائے ذوالجلال توں دعا کرینداں جو اے ہجری سال اساں ساریاں سانگے رحمت تے برکت دا ہووے،آمین۔انہاں آکھیا جو محرم الحرام اسلامی سال دا پہلا مہینہ اے ??مح??م الحرام دا مہینے ساکوں بزرگان دین ولوں اسلام سانگے ڈتی گئی قربانیاں دی یاد ڈویندے۔ایں مہینے اچ شہادت امام حسین جیڑھی جو حقیوت اچ اسلام دی فلاح،اسلامی اصولاں دی پاسداری اتے اوندی قربانی دا نتیجہ اے جئیں پاروں ساکوں تاریخ اچ ایجھے جانثار جمدے رہین جنہا?? یکا حق اتے انصاف دا ساتھ ڈتے اتے دین دی سربلندی سانگے جاناں دا نذرانہ ڈتے۔قوم دی حیثیت نال اساکوں محرم دے مہینے دی حرمت اتے ایں اچ اساڈے اسلام دی ڈتی گئی قربانیاں کوں سامھے رکھیندیں ہوئیں عزم کرنڑاں چاہیدے جو اساں اپنڑے وطن قوم دے تحفظ اتے عالمِ انسایت اچ حق اتے انصاف دے ودھارے سانگے کہیں وی قربانی توں پچھوں کائنا ہٹسوں۔انہاں آکھیا جو کورونا پاروں ایں اہم موقع تے میں ساری پاکستان دی قوم توں درخواست کرینداں جو مجلساں اتے جلوس وچال کورونا وائرس کوں روکنڑ سانگے علمائے کرام دے مشورے نال جاری تھیے ایس او پیز تے عمل کرن۔
