سیاست اچ وضع داری،شرافت اتے مفاہمت دی مثال ” سابق وزیراعظم میر بلخ شیر مزاری ” جھوک لݙا ڳن
اسلام آباد۔7 نومبر( اے پی پی)سابق وزیراعظم میر بلخ شیر مزاری 94 سال دی عمر اچ جھوک لݙا ڳن۔ او 1928 کوں کوٹ کرم مزاری روجھان ضلع راجن پور اچ ??زاری قبیلہ دے 21 ویں تمندار سردار میر مراد بخش مزاری دے گھر ڄمئن۔ انہاں دے والد میر مراد بخش مزاری، انھاں دے ݙاݙا میردوست مزاری اتے پرݙآݙا میر شیر مح??د مزاری قبیلے دے 19 ویں سردا?? تے چوتھے میر ہن۔ 1933 اچ اپݨے پیو میر مراد بخش مزاری دی فوتڳی دے بعد مزاری قبیلے دے ??رب??اہ چیف ٻݨین۔ میر بلخ شیر مزاری 1945 توں تعلیم ایچیسن کالج توں ڳھدی اتے 1951 اچ عملی سیاست اچآوݨ توں بعد کئی واری قومی و صوبائی اسمبلی دے رکن ٻݨین۔ او 18 اپریل 1993 توں 26 مئی 1993 تئیں پاکستان دے نگران وزیراعظم رہین۔ سیاست اچ ??ضع داری،شرافت اتے مفاہمت انہاں دی سنڄاݨ ہئی، سابق وزیراعظم محترمہ بے نظیر بھٹو، سردار میر بلخ شیر مزاری دی دھی آلی کار ہن اتے ڄݙاں او نگران وزیراعظم ہن تاں بی بی دا استقبال وزیراعظم ہائوس آپ د?? تے ونڄ کریندے ہن۔ سردار میر بلخ شیر مزاری دے چار پتراں طارق محمود، ریاض محمود، زاہد محمود حیات اچوں ہک پتر ریاض محمود مزاری اڄوکی پارلیمنٹ اچ ایم این اے اتے چیئرمین قائمہ کمیٹی پاݨی اتے توانائی ہین۔ میر بلخ شیر مزارے دے پوترے سردار دوست مح??د مزاری پنجاب اسمبلی اچ ڈپٹی سپیکر اتے ایں توں پہلے وفاقی وزیر مملکت توانائی وی رہین۔ میر بلخ شیر مزاری 2018 دے الیکشن اچ “”اپݨا صوبہ اپݨے اختیار” دے نعرے نال وݙے سیاسی بلاک دی اڳواݨی کیتی اتے انتخابی مہم اچ سابق وزیراعظم عمران خان نال سو ݙینھ اچ انڄ صوبہ جنوبی پنجاب ٻݨاوݨ کیتے مشروط معاہدے سانڳے پی ٹی آئی چیئرمین نال الحاق کیتا ہا۔ میر بلخ شیر مزاری کو چھی مختلف زباناں اردو، انگریزی، بلوچی، سرائیکی، سندھی، پنجابی اتے بروہی تے عبور ہا۔ مزاری قبیلہ صوبہ بلوچستان، سندھ، پنجاب اتے درمیانی ٹرسٹیٹ ایریا اچ ہک وݙا قبیلہ اے۔ میر بلخ شیر مزاری کوں آبائی علاقے روڄھان مزاری اچ دفنا ڳئے۔
