کامیاب جوان پروگرام دے ذریعے کھیݙاں دیاں سرگرمیاں کوں ودھارا ݙے تے سپورٹس اکانومی کوں مضبوط کیتا ویندا پئے ، عثمان ڈار

اسلام آباد۔15فروری (اے پی پی):وزیراعظم دے معاون خصوصی امور نوجوانان عثمان ڈار آکھیے جو کامیاب جوان پروگرام دے ذریعے کھیݙاں دیاں سرگرمیاں کوں ودھارا ݙے تے سپورٹس اکانومی کوں مضبوط کیتا ویندا پئے ، وفاقی حکومت سندھ اچ آپݨیاں ذمے واریاں پوری کریندی پئی اے ، سندھ حکومت کوں وی نوجواناں دی فلاح و بہبود کیتے اقدامات کرݨے چاہیدن ۔ منگل کوں پریس کانفرنس توں خطاب کریندے ہوئیں انہاں آکھیے جو کامیاب جوان پروگرام دی بلاسود قرضہ سکیم دے تحت کراچی اچ نینگراں اچ 3 ارب روپے تقسیم کیتے ڳئن ۔ سندھ دے نینگراں اچ 8 ارب روپےتقسیم کیتے ڳئن ، انہاں آکھیے جو میڈیا انڈسٹری توں تعلق رکھݨ آلے صحافی اتے کیمرا مین وی ایں پروگرام دے تحت قرض حاصل کرسڳدن ، ایں طرح صحافی وظائف اتے کھیݙاں سودھے کامیاب جوان پروگرام دی ساریاں سکیماں دا حصہ بݨ سڳدن ، کامیاب جوان پروگرام دے تحت نوجواناں کوں بااختیار بݨاوݨ کیتے موثر اقدامات کیتے ویندے پئن انہاں آکھیے جو کامیاب جوان پروگرام دی بزنس لون سکیم دے تحت 25 ہزار 700 نوجوان آسان شرائط تے قرض حاصل کرݨ دے اہل قرار پاتن ۔

مضمون کا ماخذ : سشی ایکسپریس

متعلقہ مضامین